കവിത - മരണത്തിനപ്പുറം

കവിത

മരണത്തിനപ്പുറം

പകൽസൂര്യനാം യൗവ്വനം
കാഴ്ചയിൽ നിന്നും മറയുന്നു...
നിബന്ധനകളില്ലാത്ത,യീ-
ജീവിതപാതയിൽ,
നഷ്ടചിത്രങ്ങൾ മാത്രം ബാക്കിയാകുന്നു...!!

ഇന്നലെകളിൽ പ്രചോദനമാം
ചിന്തയും,സ്വപ്നവും
വരണ്ടുണങ്ങി...
ജീവിതത്തിൻ മാർഗദീപം
കെട്ടുപോയി...
നിറഞ്ഞൊഴുകിയ ആശ തൻ-
മാധുര്യവും,കയ്പുനീരായി...
ഇനിയൊരു-വസന്തം കൂടി പൂക്കുന്നത്
കാണാൻ ഭാഗ്യമുണ്ടാകുമോ...?!

അകലെനിന്നും മാടിവിളിക്കുന്ന
മരണത്തിൻ സംഗീതം
പതുക്കെ കേൾക്കുന്നുണ്ട്...
എന്നും തളരാത്ത,മനസ്സു-
മിന്നേറെ, പിടയുന്നുണ്ട്‌...
ഇത്രയും നാൾ,സഹിച്ച-
ഭൂമിയ്ക്കും,ഉറ്റവർക്കും;
അണയാത്ത,യെൻ സ്നേഹം മാത്രം...!!

കൊതി തീർന്നില്ലെന്നാലും,
അനുഭവങ്ങൾ മടുപ്പിച്ചയെൻ,
ജീവിതമാർക്കും-
വേദനയാകാതിരിക്കട്ടെ...
മരണത്തിനുമപ്പുറം-
മറ്റൊരു ജന്മം കാണുമോ...?

-അനീഷ്‌ കുഞ്ഞിമംഗലം-